LIGJET E BIZNESIT
Teksa na ndan vetëm një ditë nga Kuvendi i 11 dhjetorit që ka thirrur ish-kryeministri Sali Berisha në stadiumin “Air Albania” në Tiranë, i Dërguari i Posaçëm për Ballkanin Perëndimor Gabriel Escobar, tha se do të ketë pasojë nëse PD zgjedh dikë që është i shpallur “non grata”, për të qenë udhëheqësi i saj”.
Ai iu referua kështu liderit historiik të PD, i cili është shprehur në takimet e lëvizjes “Foltorja” se do të rimarrë drejtimin e partisë më të madhe opozitare në vend.
“Marrëdhënia jonë është një marrëdhënie e pjekur mes aleatëve në NATO. Nuk është në dorën tonë të zgjedhim udhëheqësit tuaj, por do të nxisja njerëzit të mendojnë me shumë kujdes se cilët udhëheqës zgjedhin, se në cilën rrugë duan të jetë Shqipëria. Dhe shpresojmë se përgjigja do të jetë një rrugë me fokusin europian, përkushtuar ndaj NATO-s, dhe përkushtuar ndaj luftës kundër korrupsionit. Pra, do të ketë pasoja nëse Partia Demokratike zgjedh dikë që është i shpallur për të qenë udhëheqësi i saj.”, tha Esobar.
Në intervistë ai solli në vëmendje edhe rastin e Milorad Dodik.
“Dhe e di që njerëzit duan ta krahasojnë me rastin e Milorad Dodik;me që ra fjala, ne takohemi me të vetëm sepse është në presidencën treshe, takohemi me presidencën, jo me të. Nuk takohemi me të në Sarajevën lindore, nuk takohemi me të në Banja Luka dhe nuk takohemi me të në Pale, dhe sigurisht që nuk e ftojmë në Uashington dhe nuk ftohet në Bruksel apo ndonjë kryeqytet europian tjetër. Pra, mendojeni atë si shembull.”- u shpreh Escobar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
