LIGJET E BIZNESIT
Mbrëmjen e djeshme ish-kreu i Aleancës Kuq e Zi Kreshnik Spahiu parashikoi se presidenti Ilir Meta do të japë dorëheqjen në fillim të vitit 2022.
Sipas tij këtë gjë e paralajmëroi dhe bashkëshortja e tij Monika Kryemadhi e cila u shpreh pak ditë më parë se së shpejti Kreu i Shtetit do të rikthehet në LSI.
“Ndarja e PD-së në dy kampe ka bërë që të lëvizin edhe balancat në Gjykatën Kushtetuese. Deri dje Presidneti Meta gëzonte mbështetjen e një minorance e cila ishte bllokuese për shkarkimin.
Me ndarjen e Lulzim Bashës me Berishën, një nga gjyqtarët që ishte në krahun e Metës, tashmë është në krahun e Bashës, për shkak të lidhjeve që ka dhe ai ka kaluar në favor të shkarkimit të Ilir Metës. Dhe unë parashikoj që viti 2022 do të filojë me dorëheqjen e Presidentit Meta, i cili nuk do ta lejojë veten që të shkarkohet nga Gjykata Kushtetuese.
Ai do t’i paraprijë me një dorëheqje, duke e shkarkuar edhe krizën politike, duke mos e lejuar edhe veten që të mos jetë viktimë e një vendimi të Gjykatës Kushtetuese, por këtë e paralajmëroi edhe bashkëshortja e tij e cila deklaroi se së shpejti Presidenti do të kthehet në LSI. Besoj që Meta do të jetë Presidenti i parë që do të dorëhiqet.”, u shpreh Spahiu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
