LIGJET E BIZNESIT
Analisti Kreshnik Spahiu ka dhënë një tezë se si kreu aktual i PD-së, Lulzim Basha mund të mbajë partinë dhe ish kryeministri Sali Berisha nuk do të ketë mundësi të ja marrë!
Vetëm pak ditë na ndajnë nga Kuvendi Kombëtar i PD, të cilin Sali Berisha e ka thirrur më 11 Dhjetor, ndërsa Lulzim Basha ka bërë me dije se do të mbahet më 18 Dhjetor.
Spahiu thotë se Berisha ka vetëm një mundësi politike për të marrë partinë dhe të rrëzojë Bashën, ajo është të spostojë foltoren e 11 dhjetorit më 18 dhjetor, dhe aty të përballet me kundërshtarin e tij me votë!
Ndërkaq, Spahiu thotë se nëse Berisha nuk do të marri pjesë më 18 dhjetor, atë Basha ka të gjithë garancitë që me vendim gjykate të mbajë ai partinë!
“Zgjidhja politike është që njëri të japë dorëheqjen. Zgjedhja e vetme nëse nuk do të ndodhi kjo gjë, Sali Berisha ka vetëm një mundësi politike dhe ligjore për të marrë atë parti dhe të rrëzojë Lulzim Bashën: Foltorja e 11 dhjetorit të spostohet dhe të marri pjesë edhe në 18 dhjetor, të konsolidohet të shkojë pas një javë dhe të kërkojë votëbesim që të votohet përballë Lulzim Bashës! Konfliktin politik e ndan vetëm një votim! Të përballen me votë! A do të ndodhë kjo? Nëse Berisha nuk ka frikë votën dhe të çojë foltoren më 18 dhjetor. Nëse nuk ndodh kjo Lulzim Basha ka marrë të gjitha garancitë që me vendim gjykate ta mbajë ai partinë. Amerikanët mbështesin Bashën! Sali Berisha ka detyrim ligjor që ndryshimet në statut të 11 dhjetori, firmat dhe shkarkimin e Bashës të çojë në gjykatë brenda 30 ditëve. Aty shikohen firmat nëse janë fallco apo jo. Nëse dalin 10 veta si ajo në telefonatë që tha jo s’është firma ime, fillon një proces penal, pezullohet çështja, shkon në Apel, etj etj dhe mbarojnë zgjedhjet e 2025 ndërkohë që këta zihen me njëri tjetrin”, u shpreh Spahiu.
Në fjalën e tij, Spahiu bën një ‘parashikim’ se çdo të ndodhë pas datës 18 dhe sipas tij janë tre zgjidhje!
“Foltorja e Berishës ka më shumë mbështetje dhe të gjithë jemi dakord që nëse nuk do kishin qenë SHBA, Berisha ka pasur mundësinë ta heqë për 24 orë, por këtu ndryshojnë raportet, sepse nuk flasim a ka popull në punë. Deri më sot strukturat drejtuese janë të diskutueshme sepse dëgjojmë një Berishë që ju bënë thirrje 4 nënkryetarëve të japin dorëheqjen, që i bën thirrje kryesisë që të japë dorëheqje, një Berishë që ka 50 deputetë kundra, i bën thirrje shumë drejtuesve që të marrin pjesë në foltore. Kur vjen puna te ata që kanë marrë poste ata e dredhin një çikë dhe janë me kryetarin. Çfarë do ndodhi mbas datës 18? Zgjidhjet janë tre: O do ketë zgjidhje politike, o do ketë me vendim gjykate, ose do ketë konflikt të dhunshëm që do kërcasi huri në oborrin e PD, se kush do marri atë parti”, shprehet Spahiu.
Top Channel
