LIGJET E BIZNESIT
Protesta e paralajmëruar nga Sali Berisha sot pasdite në orën 16.00, do të nisë nga selia e Partisë Demokratike dhe më pas do të vijojë te Kryeministria.
Ashtu siç shihet dhe nga pamjet e mëposhtme, në ambientet e jashtme të godinës së qeverisë janë vendosur kangjellat metalike dhe është rritur siguria.
Furgonë dhe forca të shumta policie janë pozicionuar pas Kryeministrisë.
Ndërkohë që në Bulevard, përpara Kryeministrisë është duke u bërë gati skena dhe podiumi ku do të mbajnë fjalën drejtuesit e protestës.
Mësohet se do të jenë rreth 2000 forca policie që do të angazhohen për të siguruar rendin dhe sigurinë gjatë zhvillimit të protestës që do të nisë në orën 16:00 nga selia blu dhe do të vijohet drejt Kryeministrisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkohë, në bulevardin ‘Dëshmorët e Kombit’ janë vendosur flamujt e Maqedonisë së Veriut, të Serbisë dhe të Shqipërisë.
Sipas njoftimit të shpërndarë nga Berisha, objekti i protestës do të jetë takimi që do zhvillohet në këto dy ditë në Shqipëri mes Kryeministrit Rama, Presidentit serb, Aleksandër Vuçiç, dhe Kryeministrit të Maqedonisë së Veriut, Zoran Zaev, në kuadër të projektit ‘Ballkani i Hapur’.
