LIGJET E BIZNESIT
Ditën e sotme Prokuroria e Posaçme dha pretencën për grupin Avdylaj, në lidhje me dosjen e bujshme “339”.
Mësohet se SPAK ka kërkuar 10 vite burg për Astrit Avdylin.
Ky i fundit njihet ndryshe si koka e grupit të Shijakut.
Prokuroria e ka cilësuar fajtor Astrit Avdylin dhe e ka dënuar me 10 vite burgim për trafik droge. Për Jasin Avdyli Kala janë dhënë 9 vite burgim, Denis Llaftiu, 9 vite burg, Fatos Llaftiu, 3 vite burg.
Astrit Avdyli është arrestuar për dosjen 339 në kuadër të operacionit “Vol-Vo 4” të laboratorit të heroinës në Brengosë të Hasit në 21 tetor të 2018.
Gjatë hetimit rezultoi se Astrit Avdyli dhe personat e tjerë merreshin me trafikimin e sasive të madhe të lëndëve narkotike nga Shqipëria në drejtim të Italisë dhe vendeve të tjera Evropiane. Grupi i Avdylajve, akuzohet për grup kriminal, moskallëzim krimi dhe trafik të lëndëve narkotike.
