Çfarë duhet në hani në muajin dhjetor, më të shëndetshmet e stinës

Në muajin dhjetor duket sikur edhe ushqimet marrin ngjyra festive. Dhe sigurisht nuk mund të mos mendosh për gjelin e detit të mbushur e të pjekur mirë, përsheshin karakteristik apo sallatërat e shumta që servirin amvisat shqiptare.

Tanimë është fundi i sezonit të kungujve dhe gështenjave, ndaj shfrytëzojini mirë në qoftë se ju zë syri ndonjë kungull nga zona e Peshkopisë apo ndonjë gështenjë të Tropojës.

Për momentin të gjitha këto perime mund t’i gjeni në tregjet e fshatarëve, të freskëta të sapo këputura që në mëngjes.

Teksa duhet të kujdeseni për të përzgjedhur perimet më të mirat të stinës, por më shumë se çfarë vlen të konsumohet e freskët në dhjetor lexoni guidën në vijim.

Brokoli

Gjysmën e vitit, nga dhjetori në maj, ju mund të zgjidhni mënyra të ndryshme për të gatuar këtë “super ushqim”. Brokoli ka pak kalori dhe është i pasur në vitamina e minerale si dhe shumë fibra.

Lulelakra

Lulelakra prodhohet nga muaji dhjetor deri në maj. Fermerë shqiptarë vitin e fundit e kanë shtuar prodhimin e lulelakrës për shkak të rritjes së kërkesës nga tregu vendas dhe ai europian.

Në muajin dhjetor ju mund të konsumoni lulelakër të freskët, pasi vlerat ushqyese të saj janë të pafundme. Por mos e teproni, pasi konsumi në sasi shumë të mëdha, shkakton fryrje.

Arra dhe lajthi

Amvisat i konsiderojnë arrorët si elementin kryesor në kuzhinë, njëlloj si mielli apo gjalpi. Pavarësisht faktit se arrat dhe lajthitë i kemi gjatë të gjithë vitit, gjatë sezonit të tyre ato kanë një shije unike.