Edhe pse “non grata” nga Departamenti Amerikan i Shtetit kjo nuk e ka ndaluar ish-kryeministrin Sali Berisha të lidhet online me mbështetësit e tij dhe ish-zyrtarë të Partisë Demokratike atje.
Berisha tha se ambasadorja sillej si sekretare ideologjike e Partisë Socialiste.
“Dy fjalë zonjë ambasadore që shpesh i lejon vetes që të bëjë sekretaren ideologjike të PS-së. Dy momente për mua janë të papranueshme. Përgëzimi i zgjedhjeve në kundërshtim me çdo kod, rregull dhe qëndrim ndaj votës së lirë. Thirrja që u bën gazetarëve që të bëjnë censurë ndaj Foltores dhe Sali Berishës. Për mua përbën një shkelje të rëndë të Kushtetutës amerikane. Këto momente nuk janë amerikane por përfaqësojnë Sorosin,”-tha Berisha në fjalën e tij.
