Lideri i Partisë Demokratike Lulzim Basha i cili u shkarkua nga Kuvendi i 11 dhjetorit, si dhe ish-kryeministri Sali Berisha ndodhen të dy brenda në selinë blu.
Basha po zhvillonte një mbledhje për raportimin e Grupit të Punës për zgjedhjet në FRPD, në momentin që në godinën e PD mbërriti ish-kryeministri Sali Berisha.
Ai shoqërohej nga mbështetësit dhe anëtarët e Komisionit të Përkohshëm të Rithemelimit.
Lideri historik i PD është futur në seli bashkë me mbështetësit e tij ku do të zhvillojë mbledhjen e Komisionit të Rithemelimit të PD.
Dy sallat ku ndodhet Berisha dhe Basha janë përballë njëra-tjetrës.
Sipas pamjeve në video, kreu aktual i PD duket indiferent nga një situatë e tillë.
