LIGJET E BIZNESIT
Ka ardhur reagimi i kryeministrit të Kosovës Albin Kurti pasi homologu Edi Rama dha premtimin se vendi ynë do të ofrojë ndihmë për energjinë elektrike në dy ditët e ndërrimit të vitit.
Kurti u shpreh se kërkesën për ndihmë e ka bërë Kosova nëpërmjet ministres së Ekonomisë, Artane Rizvanolli dhe ka thënë se dy vendet plotësojnë njëri-tjetrin pasi Shqipëria ka ujë kurse Kosova qymyr.
Ai theksoi se bëhet fjalë për dy ditë dhe se Kosova do të mund t’ia kthejë këtë ndihmë Shqipërisë në verë.
“Ne e falenderojmë kryeministrin e Republikës së Shqipërisë, Z. Edi Rama, për mbështetjen. Ministrja jonë e Ekonomisë, zonja Artane Rizvanolli e ka bërë një kërkesë të tillë ndaj Republikës së Shqipërisë, për shkak se ne jemi komplementare, ne kemi termocentrale, ata kanë hidrocentrale; ne kemi qymyr, ata kanë ujë. Dhe bëhet fjalë për dy ditë ndonëse janë dy ditë, janë të rëndësishme sepse janë të ndërrimit të motmoteve dhe më pastaj edhe ne do të kemi mundësi t’u ndihmojmë në rast nevoje në verën e vitit ë ardhshëm”, tha ai.
Ai theksoi se kjo ndihmë është e veçantë, sepse është ndihmë në kushtet kur edhe Shqipëria vetë nuk i ka punët mirë me krizën energjike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
