Atentati teksa parkonte makinën/ Ky është biznesmeni i plagosur rëndë në Vlorë

Personi në foto është biznesmeni 33-vjeçar i cili u plagos rëndë sot në Vlorë nga një shpërthim i fuqishëm eksplozivi.

Mësohet se Endrit Sadedinaj është dërguar drejt Tiranës pasi gjendja e tij shëndetësore është shumë e rëndë, ku ka humbur dhe dy gjymtyrët e poshtme nga atentati me tritol.

Ngjarja e rëndë ndodhi pasditen e sotme në lagjen “10 korriku” në Vlorë, ku persona ende të paidentifikuar i kanë vënë lëndë plasëse biznesmenit teksai ai parkonte makinën e tij.

Burime bëjnë me dije se Sadedinaj ishte i përfshirë në trafik të lëndëve narkotike dhe në 2017 ishte kryer një tjetër atentat në lokalin e tij, i cili dështoi dhe e detyroi atë të jepte lokalin me qera.