Aktorja meksikane qëllohet për vde kje ndërsa priste djalin e saj

Tania Mendoza aktorja meksikane e njohur në filmin, ‘’La mera Reina del Sur” që flet për botën e narkotrafikantëve u qëllua për vdekje. Ngjarja e tmerrshme ndodhi shume pranë djalit të saj 11-vjecar.

Tania Mendoza ishte jashtë kompleksit sportiv në qytetin e Cuernavacas bashkë me prindër të tjerë, kur dy burra të armatosur mbërritën me një motoçikletë të martën. Njëri prej tyre e qëlloi disa herë përpara se të arratisej me bashkëpunëtorin e tij.

Ajo ishte shfaqur edhe në një sërë telenovelash, por vitet e fundit iu përkushtua karrierës së saj si këngëtare dhe regjistroi pesë albume.

Në vitin 2010, ajo u rrëmbye me burrin dhe djalin e saj, i cili ishte gjashtë muajsh, për shkak të biznesit të lavazhit të çiftit. Që atëherë, ajo kishte raportuar në Zyrën e Prokurorit të Përgjithshëm të Shtetit të Morelos disa kërcënime me vdekje.

Nuk dihet ende se kush qëndron pas vrasjes së Mendozës, apo ndonjë motiv i mundshëm. Pas të shtënave, policia ka kryer një operacion në kërkim të të dyshuarve, por askush nuk është arrestuar.