Moti në Shqipëri pritet të jetë me diell dhe kthjellime në perëndim të vendit dhe bregdet.
Gjithashtu në lindje, juglindje dhe verilindje të vendit do të ketë vranësira të shpeshta, të cilat mund të shoqërohen dhe me reshje lokale bore.
Në Maqedoninë Veriore nesër pritet të mbajë mot kryesisht i vranët dhe vende-vende mund të ketë fjolla sporadike bore sikurse edhe në Luginën e Preshevës dhe veriun e Malit të Zi. Jugu i Malit të Zi kryesisht i kthjellët por i ftohtë.
Edhe ditëve të ardhshme nuk priten ndryshime të motit. Mesdheu shqiptar me diell, por relativisht i ftohtë. Viset kontinentale me më shumë vranësira dhe rrallë në disa rajone edhe fjolla sporadike bore. Për fundjavë shtim i reshjeve të borës, por nuk priten reshje të mëdha ende. Temperaturat nuk pritet të pësojnë ndonjë ndryshim të madh.
