šNjë ngjarje tragjike ka ndodhur në Tropojë. Në një lokal në qytetin e Bajram Curri, pas një sherri është plagosur me armë zjarri shtetasi me iniciale A. H., 33 vjeç, banues në Tropojë.
Ngjarja ka ndodhur në datën 10.12.2021. Autori dyshohet se është shtetasi me iniciale G. V., 24 vjeç, banues në Tropojë. Dyshohet se për motive të dobëta, ai ka qëlluar me armë zjarri shtetasin me iniciale A. H. I plagosuri ndodhet nën kujdesin e mjekëve, ndërsa policia po heton ngjarjen.
Njoftimi i policisë:
Plagosi me armë zjarri një shtetas, identifikohet dhe shpallet në kërkim autori i dyshuar. Më datë 10.12.2021, në një lokal në qytetin e Bajram Curri, është plagosur me armë zjarri shtetasi A. H., 33 vjeç, banues në Tropojë. Menjëherë në vendngjarje janë nisur shërbimet e Policisë, ku falë veprimeve të shpejta bënë të mundur identifikimin e autorit të dyshuar shtetasin G. V., 24 vjeç, banues në Tropojë, i cili dyshohet se për motive të dobëta ka qëlluar me armë zjarri shtetasin A. H Në hyrje- daljet e qytetit, janë ngritur pika kontrolli, me qëllim kapjen e autorit. I plagosuri shtetasi A. H., ndodhet nën kujdesin e mjekëve në spitalin e Gjakovës, jashtë rrezikut për jetën. Në drejtimin e Prokurorisë, vijon puna për sqarimin e rrethanave dhe dokumentimin e ligjor të kësaj ngjarjeje.
