Nesër ambasadorja Yuri Kim do të takojë disa prej liderëve të Shqipërisë bashkë me disa prej anëtarëve të kongresit të SHBA-së.
Me anë të një postimi në Twitter, diplomatja shkruan se ka mirëpritur në Tiranë Elissa Slotkin, David Valado dhe Jake LaTurner.
Ajo thotë se ata janë në Shqipëri për të zhvilluar disa takime të rëndësishme me disa prej liderëve të vendit.
“E lumtur të mirëpres në Tiranë kongresmenët amerikanë Elissa Slotkin, David Valado dhe Jake LaTurner për disa takime të rëndësishme me liderët e Shqipërisë. Më shumë detaje do ju jap nesër” – shkruan Yuri Kim.
