Rënia e flokëve dhe problemet me dendësinë dhe shkëlqimin e tyre janë probleme që prekin rregullisht si femrat ashtu edhe meshkujt.
Përtej trajtimeve mjekësore, shëndeti i flokëve mund të përmirësohet ndjeshëm falë këtyre kurave natyrale.
Kura Natyrale Për Flokët Të Cilat Ia Vlen T’i Provoni
Aloe Vera
Aloe vera përbën një kurë të shkëlqyer kundër rënies së flokëve.
Ajo qetëson dhe zbut skalpin e kokës dhe krijon një mjedis të shëndetshëm për rigjenerimin e qelizave të flokëve.
Aloe vera ndihmon në eliminimin e yndyrës që parandalon rritjen e flokëve.
Ju mund të përdorni rregullisht xhelin e aloe verës për të masazhuar skalpin dhe ushqyer flokun.
AgroWeb.org ju këshillon ta mbani këtë maskë përreth 10-15 minuta e më pas ta shpëlani.
Më pas mund ta lani kokën me shampon e zakonshme
Jamballi
Jamballi rekomandohet për të pastruar skalpin e thatë e të irrituar.
Jamballi çel poret dhe forcon rrënjët e flokut, dobësimi i së cilës bëhet shpesh shkak për rrënjen e flokut.
Jamballi mund të konsumohet çdo javë në formën e çajit.
Lëngu I Qepës
Ekspertët thonë se lëngu i qepës është shumë efikas për rritjen e flokut dhe funksionon me të vërtetë.
Qepa përmban sulfur që përmirëson qarkullimin e gjakut, nxit prodhimin e kolagjenit dhe lufton bakteret që prekin sipërfaqen e skalpit.
Ju mund ta lyeni skalpin me lëng qepe dhe ta mbani për 15 minuta.
Më pas mund ta lani kokën me shampon e zakonshme.
Vaji I Rozmarinës
Vaji i rozmarinës është ideal kundër zbokthit dhe infeksioneve të lëkurës së kokës.
Ky vaj gjithashtu funksionon kundër rënies së flokëve dhe ka një rol të fortë stimulues për rritjen e tyre.
Vaji i rozmarinës mund të aplikohet direkt në rrënjët e flokut për efikasitet të lartë.
Hudhra
Hudhra forcon flokun në mënyrë të ndjeshme.
Njësoj si qepa, ajo është shumë e pasur me minerale dhe vitamina që e ushqejnë dhe forcojnë flokun.
Ju mund të përzieni në mikser disa thelbinj hudhre dhe pasi të keni formuar një masë të trashë mund ta vendosni atë në skalp, ta mbani përreth 10 minuta e më pas të lani flokët me shampo si zakonisht.
Një kurë e tillë ndalon menjëherë rënien e flokut.
Uthulla E Mollës
Bllokimi i rrënjëve të flokut nga bakteret shkakton rënie të madhe të flokëve.
Për të parandaluar një gjë të tillë ju mund të shpëlani flokun me një përzierje të sasive të barabarta të uthullës së mollës dhe ujit.
Veza
Maska me vezë është një nga kurat më natyrale kundër rënies së flokut.
Veza përmban sasi të larta proteine e cila rikthen flokun në gjëndjen e mëparshme.
Në një tas qelqi përzieni një vezë me një lugë gjelle me vaj ulliri.
Maskën përdoreni në flokë të larë e të lagur dhe mbajeni për 10 minuta.
Më pas lajini flokët si zakonisht me shampo. Këtë kurë mund ta përdorni 1 herë në javë. /AgroWeb.org
