Në konferencën e jashtëzakonshme për mediat, ish-kryeministri Sali Berisha u pyet nëse vendimi i Lulzim Bashës për të mbajtur Kuvendin Kombëtar më 18 dhjetor, do të përçajë Partinë Demokratike.
Sipas tij, ky fakt do ti çojë demokratët drejt bashkimit, pasi sipas tij asnjë nuk pranon një akt amoral dhe të pabesë.
“Revolucioni paqësor do të merret me pengmarrësin dhe pengun, asgjë nuk e ndal. Nëse Basha nuk vjen përjashton veten nga partia. Paralajmërimi për Ramën është i fortë; mos luaj me pluralizimin. Basha është pengu, formulat ia jep Rama. Ai e shtyn në verbëri se janë llum, njësoj si Ramiz Alia në vitin ’90. Rama e shtyn me idenë diabolike të dublimit. Por janë lojëra të rrezikshme dhe përgjegjës kryesor do të jetë Rama.
Ky vendim i sotëm a po e çon drejt ndarjes PD?
Në fakt po çon drejt bashkimit. Demokratë në Shqipëri që pranon një akt amoral dhe të pabesë nuk ka. Ky akt iu garantoj se do të bashkojë demokratët. E sigurt kjo. Në radhët e tyre, ekziston një gjendje revolucionare. Nuk ka asgjë që mund t’i pengojë në mision”, tha Berisha gjatë fjalës së tij.
Kujtojmë se ish-kreu i qeverisë ka thirrur Kuvendin Kombëtar të PD për tu mbledhur më datë 11 dhjetor, një javë para liderit aktual Lulzim Basha.
