LIGJET E BIZNESIT
Ditën e djeshme ministrja e Bujqësisë Frida Krifca ka prezantuar një projekt që i ka habitur të gjithë.
Gjatë raportimit në Komisionin e Veprimtarisë Prodhuese ajo u shpreh se do të hapet një akademi për barinjtë, ku çobanët do ti bëjnë profesionistë.
“Do të incentivojnë të rinjtë, do të shkojmë ti gjejmë, do të bëjmë një akademia për ata. Do të bëjmë një grup njerëzish dhe do të themi, ti futu në këtë profesion, mbaje dhe ne do të subvencionojmë për këtë, jo për krerë por për faktin që ti e mban tufën”, tha ajo.
Pas kësaj deklarate një çobane nga Kukësi ka folur ditën e sotme për vështirësitë që ka ky profesion për t’u ruajtuar dhe për të siguruar të ardhura.
E moshuara thotë se ata nuk kanë asnjë mbështetje nga shteti dhe se ky profesion është i vështirë për t’u mbajtur, duke treguar se zanatin e ka trashëguar ‘denbabaden’.
E pyetur për akademinë e barinjve që ka propozuar për të hapur Ministrja e Bujqësisë, e moshuara u shprejh se ajo tashmë nuk ka moshë për shkollë, por mund të jetë diçka e mirë për të rinjtë, megjithëse ajo shtoi se të rinjtë largohen nga Shqipëria e nuk merren me bagëti.
“Blegtoria është e rëndë. Unë i kam dy lopë këtu dhe dy në shpi. Katër lopë. Tokat i marrim me qera. Qeraja shkon 50 mijë-70 mijë në vit. Në kohë të thatë s’bohet asnjë deng, në kohë me shi bëhet bari. Unë s’kam tokë. Zanatin e kena pas trashëgimi den baba dem. Këta ka çobani. Çoban jam dhe krejt i pastroj. Unë shkoj marr makineritë. Nuk na ka mbështetur njeri. Po me lopë merem nga 20 vite. Vështirë shumë se duhet me i kullot, me shajnë. Fëmijët i kam martuar. Kanë punë ato, pasha zotin , janë të zorshme. Të rinjtë kapin botën, mazallah të merren. Ku me e gjet me na pagujt Ministria. Po kush të paguan. Rrejn ashtu ata. Unë jam 72 vjeçe s’kam ku me shku. Mirë për të rinjtë që kanë qejf lopët. 3 muaj rrinë në regjim stallor bagëtitë, 6 muaj pastaj kullosin”, tha ajo.
