“Unë nuk jam e papunë” Evi Kokalari padit në SPAK Ervin Salianjin: Im shoq dy herë ka qenë në Greqi

Aktivistja shqiptare në SHBA Evi Kokalari ka depozituar sot në SPAK padinë ndaj deputetit të Partisë Demokratike Ervin Salianji.

Ashtu siç paralajmëroi më herët, Kokalari bën me dije se mbi Salianjin rëndon akuza për shpifje.

Duke iu referuar deklaratës së këtij të fundit, i cili tha se bashkëshorti i Evi Kokalarit ka qenë pjesë e Agimit të Artë në Greqi, ajo mohon akuzat e tij dhe sqaron se burri i saj nuk ka lidhje me politikën atje.

REAGIMI I PLOTE:

Padia ndaj Ervin Salianjit sot u depozitua në Spak.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Padia është për shpifje që ai i ka bërë publikisht.

Dua të sqaroj se familja ime nuk ka mbajtur kurrë mbiemrin Hoxha, por është njohur gjithnjë me mbiemrin Kokalari.

Im shoq ka qënë vetëm dy herë në Greqi dhe s’ka qënë kurrë pjesë e politikës as në Greqi & as në Amerike, jo më të jetë pjesë e ‘Agimit të Artë’ apo lobit Grek.

… dhe unë nuk jam e papunë. Madje punoj orë të gjata që të merrem me bisnesin tim privat qe kam punuar 20 vjet për ta sjellë aty ku është dhe të kem kohë të merrem me politikë si në Amerikë, ashtu dhe në Shqipëri.

Një falenderim të veçantë avokates Endira Bushatit, që i është dhënë me shpirt mbrojtjes time.