Udhëtonin në një makinë/ Arrestohen dy farmacistë në Tiranë, ja për se akuzohen

Dy farmacistë në Tiranë kanë rënë në prangat e policisë.

Gjatë aksionit mësohet se janë sekuestruar një sasi ilaçesh të dyshuara kontrabandë, pa pullë fiskale, në operacionin e koduar “Covid Time”.

Uniformat blu bëjnë me dije se janë arrestuar: J. D., 42 vjeç dhe J. P., 26 vjeçe, të dy me profesionin farmacist.

Të arrestuarit akuzohen për veprat penale “Tregtimi dhe transportimi i mallrave kontrabandë’’, ‘’Prodhimi dhe tregtimi i barnave dhe pajisjeve mjekësore të falsifikuara ose të rrezikshme për shëndetin’’, “Fshehja e të ardhurave” dhe “Shkelja e të drejtave të pronësisë industriale’’.

ARRESTIMI

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shërbimet e Policisë mësohet se kanë ndaluar në bulevardin “Zhan D’Ark”, automjetin në të cilin ndodheshin këta dy shtetas.

Gjatë kontrollit të ushtruar në këtë mjet janë gjetur dhe sekuestruar në cilësinë e provës materiale një sasi medikamentesh të ndryshme mjekësore pa pullë fiskale, të dyshuara kontrabandë.

Materialet i kaluan Prokurorisë së Rrethit Gjyqësor Tiranë për veprime të mëtejshme procedurale.