U shpall i vdekur, Edogan padit personat që shpërndanë lajmin në rrjet

Presidenti Rexhep Taip Erdogan ka paditur personat të cilët shpërndanë lajmin në rrjetet sociale se kreu i shtetit turk kishte ndërruar jetë.

Aktakuza është ngritur nga avokati i Erdoganit, Huseyin Aydin, me pretendimin se është kryer vepra penale e “fyerjes së imazhit së Presidentit të Republikës Turke”. Aydin tha për mediat turke: “U gjykua e nevojshme të identifikoheshin përdoruesit që proceduan me këto postime të papranueshme, për të kryer një hetim dhe për të caktuar përgjegjësitë”.

Drejtoria e Përgjithshme e Sigurisë njoftoi se në rrjetet sociale qarkulluan lajme të rreme, për gjendjen shëndetësore të presidentit turk, janë gjetur 30 përdorues nën hashtag-un “#vdekur”.

Më herët, drejtori i komunikimit i presidencës turke, Fahrettin Altun, iu përgjigj thashethemeve duke paraqitur edhe një video ku shihet Erdogan duke dalë nga limuzina presidenciale.

Thashethemet për përkeqësimin e shëndetit të Erdogan dolën nga postimi në rrjetet sociale i deputetit të Partisë Republikane (CHP) të opozitës, Agut Erdogan, i cili pretendonte se presidenti turk kishte pësuar një goditje në tru dhe ishte shtruar në spital.