LIGJET E BIZNESIT
Nënkryetarja e PD Grida Duma i është drejtuar sot demokratëve duke iu thënë që të mos përçahen me njëri-tjetrin.
Sipas saj në këtë forcë politike nuk ka demokratë të foltores dhe demokratë të tjerë, duke shtuar se situata që po kalojnë është dhe një test për ta.
“10 vite unë u godita se mbrojta Sali Berishën. Më kujtohen diskutimet që kam pasur me të. S’kam bërë tituj për gjërat e mia, shkëmbeja libra me të. Unë nuk besoj te politika që e shan. Ky popull dhe pse është kaq i varfër, përsëri arrin të kuptojë. Ku popull dhe e quajnë konservator ka vlerat e veta. A kam mundësi për të thirrur njerëz për të mbrojtur kauzën time, unë skam nevojë tu them intelektualëve që të shkruajnë një gjë për mua.
Duhet ti thërrasim njeriut, mua më shqetëson modeli. Gjëja e duhur është që PD duhet të ketë me vete aleatin e saj strategjik.Unë nuk jam apriori me Bashën. Unë skam thënë asnjë fjalë për individin Sali Berisha, por si njeri i them të përdorë në të mirat e demokratëve. I them të jetë burrë shteti. Nuk është çështje pazaresh. 30 vite të njëtat figura, nuk ka kjo parti kapacitete? Këto që flasin sot janë klane, po flasin me emra. Unë kam një dhimbje për demokratët, se në politikë hyjnë njerzit dhe jo kafshët. I bëj thirrje demokratëve: Mos u përcani ju!
Kemi qenë bashkë në ato salla, ku thonë kur ju vini në pushtet, na harroni. Ju e keni në lëkurë PD. Do gjendet kompromisi lart. Nuk ka demokratë të foltores dhe demokratë të tjerë. Situata që po kalojmë është një test për demokratët. Lideri historik ka detyrë që të lërë partinë që të bëhet e lirë”, u shpreh Duma gjatë fjalës së saj”, tha Duma gjatë fjalës së saj.
