LIGJET E BIZNESIT
Në gërmadhat e autobuzit që u përplas tragjikisht në Bullgari është gjetur edhe një trup i dekompozuar.
Dy ditë pas kryerjes së autopsisë së trupave të pajetë dhe katër ditë pas tragjedisë, prokuroria bullgare ka përgënjeshtruar veten.
Ditën e djeshme, ky institucion deklaroi se janë 44 viktima dhe 8 të mbijetuar.
Ndërkohë po sot prokuroria bullgare doli me qendrimin se është gjetur dhe viktima e 45-të, duke hequr dyshimet ndaj të zhdukurit si udhëtari i 8.
Kryeprokurori Lubomir Joveski, konfirmoi këtë fakt.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Autobusi nga vendi i fatkeqësisë është dërguar në një vend tjetër ku është dhënë urdhër për ekspertiza të detajuara teknike për të zbuluar shkakun e shpërthimit të zjarrit dhe gjatë kësaj ekspertize është gjetur edhe një trup i pajetë. Unë e siguroj opinionin se nuk duhet të këtë asnjë dyshim lidhur me këtë çështje”, tha Lubomir Jovevski, Kryeprokuror.
Ndonëse nuk është e kyçur drejtpërdrejtë në hetim, Prokuroria e Maqedonisë ndihmon procesin e mbledhjes së dëshmive. Sipas Joveskit përveç një personi askush nuk përmend që të ketë pasur 8 persona të mbijetuar.
“E gjithë kjo do të dëshmohet gjatë vazhdimit të hetimit nga organet kompetente bullgare. Udhëtarin e 8 e përmend vetëm nga të mbijetuarit që është në spital përderisa dokumentimi i spitalit tregon diçka tjetër. Në spital evidenca tregon se janë transportuar 7 të lënduar dhe kjo çështje është e paluhatshme”, deklaroi Lubomir Jovevski.
Sot prokurorët bullgar erdhën në Shkup, për të marrë mostra nga familjarët e viktimave për analiza të ADN-së si dhe dosjen e katër autobusëve me targa dhe lista të udhëtarëve të agjencisë Besa Trans.
