Tiranë, bashkëshortët zihen keq për gjellën, përfundojnë në polici

Një ngjarje sa e rëndë aq edhe qesharake ka ndodhur në kryeqytet! Dy të moshuar, burrë e grua janë konfliktuar, për motive të dobëta, në një konflikt që ka përfunduar edhe në dhunë fizike.

Në dosjen që Top Channel diponon, bëhet me dije se kallëzimi u dorëzua nga e moshuara me inicialet L.S e cila tregon se bashkeshorti pasi u kthye në banesë , ajo e kishte pritur që të drekonin së bashku.

‘Im shoq më kërkoi llogari pse dhe për kë gatuaja kaq shumë ushqim dhe nisi t’më godasë me grushta’ – thotë e moshuara.

Por kur policia ka thirrur të moshuarin 79 vjeçar- ai akuzoi gruan se kur e pyeti pse gatuante sikur ishin tre persona në shtëpi, ajo nxorri tepsinë dhe e gjuajti. Pas kësaj , të dy u konfliktuan me enët e kuzhinës derisa gruaja mori thikën e kuzhinës dhe e qëlloi mbasi i shoqi flaku gatimin. Të dy ata përveç akuzës së ngritur nga prokurorja Suela Salavaci kanë marrë urdhër mbrojtjeje nga njëri-tjetri.