Dy persona kanë ndërruar jetë si pasojë e të shtënave me armë zjarri në zonën e Astirit në Tiranë.
Mësohet se atentatorët kanë qëlluar me breshëri plumbash drejt automjetit tip “Audi”, e cila kishte ndaluar në semafor.
Ngjarja ndodhi rreth orës 19:30, në vendin e quajtur “2 rradhët” në Unazën e Re.
Personat të cilët mbetën të pajetë nga ky atentat nuk janë identifikuar ende. Policia ndodhet në vendngjarje për të vijuar hetimet.
Uniformat blu kanë ngritur pika kontrolli në të gjithë zonën për të bërë të mundur identifikimin dhe kapjen e autorëve.
NJOFTIMI ZYRTAR I POLICISE
Rreth orës 19:30, në vendin e quajtur “2 rrathët” në Unazë të Re, dyshohet se është qëlluar me armë zjarri në drejtim të mjeti tip “Audi”. Si pasojë kanë humbur jetën dy shtetas ende të paidentifikuar, të cilët ishin brenda në mjet.
Menjëherë shërbimet e Policisë kanë shkuar në vendngjarje dhe po kontrollojnë zonën me qëllim identifikimin dhe kapjen e autorit/ve. Ndërkohë janë ngritur disa pika kontrolli në hyrje dhe dalje të qytetit të Tiranës.
Grupi hetimor nën drejtimin e Prokurorisë punon për sqarimin e plotë e rrethanave të ngjarjes dhe grumbullimin e çdo prove që do çojë në identifikimin dhe kapjen e autorit/ve.
