LIGJET E BIZNESIT
Pezullohet nga detyra shefi i Komisariatit të Përmetit P.Gj, ish-shefi i Krimeve Sh.M dhe dy inspektorë të Policisë së Përmetit M.D dhe DH.SH.
Aksioni është zhvilluar nga Shërbimi për Çështjet e Brendshme dhe Ankesat (SHÇBA).
Personat e mësipërm akuzohen për veprën penale të “Kultivimit të bimëve narkotike” dhe “Shpërdorimit të detyrës”.
NJOFTIMI I SHÇBA:
Përmet – SHÇBA në bashkëpunim me Prokurorinë pranë Gjykatës së Shkallës së Parë Përmet ka ekzekutuar vendimin e Gjykatës së Shkallës së Parë Përmet ndaj 4 punonjësve të policisë në Komisariatin e Policisë Përmet dhe 2 shtetasve, në lidhje me një procedim të vitit 2021, i cili bën fjalë për veprën penale të “Kultivimit të bimëve narkotike” dhe “Shpërdorimit të detyrës”, parashikuar nga nenet 284/2 dhe 248 të Kodit Penal.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Drejtoria Rajonale e SHÇBA Vlorë-Gjirokastër në kuadër të hetimeve proaktive të kryera për një periudhë kohore 5-mujore me metoda speciale të hetimit në funksion të këtij procedimi, ka bërë ekzekutimin e vendimit datë 29.10.2021 të Gjykatës së Shkallës së Parë Përmet, e cila ka caktuar 6 masat e sigurisë:
– Kryekomisar P. GJ., me detyrë Shef i Komisariatit Përmet, me masë sigurie të karakterit ndalues “Pezullim i ushtrimit të një detyre a shërbim publik”;
– Komisar SH.M., ish-Shef i Seksionit për Hetimin e Krimeve në Komisariatin e Policisë Përmet, aktualisht me detyrë Specialist në Sektorin e Trafiqeve të Paligjshme dhe Narkotikëve të DVP Gjirokastër, me masë sigurie me karakter shtrëngues “Arrest në shtëpi” dhe masë sigurie me karakter ndalues “Pezullim i ushtrimit të një detyre a shërbim publik”;
– Inspektor DH.SH., me detyrë N/Specialist për Rendin në Komisariatin e Policisë Përmet, me masë sigurie me karakter shtrëngues “Detyrimi për t’u paraqitur në policinë gjyqësore” dhe masë sigurie me karakter ndalues “Pezullim i ushtrimit të një detyre a shërbim publik”;
– Inspektor M.D., me detyrë N/Specialist për Rendin në Komisariatin e Policisë Përmet, me masë sigurie me karakter shtrëngues “Detyrimi për t’u paraqitur në policinë gjyqësore” dhe masë sigurie me karakter ndalues “Pezullim i ushtrimit të një detyre a shërbim publik”;
– Shtetasi K.M., me detyrë Kryetar i fshatit që mbulon Njësinë Administrative Frashër në Përmet, me masë sigurie me karakter shtrëngues “Arrest në burg”;
– Shtetasi J.A., me detyrë Inspektor Pyjesh që mbulon Njësinë Administrative Frashër në Përmet, me masë sigurie me karakter shtrëngues “Detyrim për t’u paraqitur në policinë gjyqësore” dhe masë sigurie me karakter ndalues “Pezullim i ushtrimit të një detyre a shërbim publik”.
Në kuadër të këtij procedimi penal, Drejtoria Rajonale e SHÇBA Vlorë-Gjirokastër ka arritur të zbulojë një sasi bimësh narkotike, të mbjella në parcela në zonën e fshatit Zavalan, Përmet.
Materialet proceduriale i kaluan prokurorisë pranë Gjykatës së Shkallës së Parë Përmet për veprime të mëtejshme proceduriale, ndërsa vazhdon puna për dokumentimin e veprimarisë së kundraligjshme të subjekteve të tjerë të këtij procedimi, të cilët mund të jenë të implikuar në këtë veprër penale.
SHÇBA vijon me intensitet luftën kundër paligjshmërisë dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit duke telefonuar në numrin e gjelbër 0800 90 90.
