“Të mban peng Edi Rama me ‘Toyota Yaris”/ Basha i përgjigjet Berishës: Keqardhje sa poshtë ka rënë, trillime dhe sulme identike si të kun

Pas deklaratave të bëra nga ish-kryeministri Sali Berisha se Rama e mban peng me çështjen e “Toyota Yaris”, ka reaguar Kryedemokrati Lulzim Basha.

Me një reagim në Twiter, Basha shkruan se ndjen keqardhje ta shohë Sali Berishën të bjerë poshtë e më poshtë çdo ditë me trillimet dhe sulmet identike si të kundërshtarit.

“Çfarë keqardhje ta shohësh Sali Berishën të bjerë poshtë e më poshtë çdo ditë me trillimet dhe sulmet identike si të kundërshtarit. Ajo që deklaroi Sali Berisha sot është ekzaktësisht ajo për të cilën më akuzoi Edi Rama javën e kaluar. Përgjigjja ime ndaj Sali Berishës është e njëjta që i dhashë Edi Ramës. Asnjë trillim nuk do ta shndërrojë PD në mburojë të interesave personale”- shkruan ai.