Thellohet më shumë skandali i konfliktit në “Përputhen”, mes ish-konkurentes Alvisa Qarri dhe ish-të dashurit të saj, Hysen Ramaj.
Vajza brune nuk ka duruar dot dhe ka publikuar disa nga provat e saj.
Ajo ka zgjedhur të ndajë me ndjekësit mesazhet me Hysenin të bëra që në muajin maj.
Në një prej tyre, ajo përmend mundësinë e denoncimit nëse edhe një herë përsëritet sjellja e tij.
Mes tjerash, Alvisa pyet se si mund të ndihet dikush i tradhtuar kur nuk ka qenë në lidhje, duke mohuar që ajo të jetë rikthyer me Hysenin pas “Përputhen”.
Pas asaj që ndodhi të shtunën, Alvisa këtë javë nuk ka qenë në Për’puthen. Përmes një videoje që ia kishte dërguar stafit ajo kërkonte kohë të qetësohej dhe premtoi se do rikthehet për të thënë të vërtetën e saj. Bora zbuloi se çështja e Alvisës do diskutohet sërish gjatë “Për’puthen Prime” këtë të shtunë.
