Një breshkë e llojit Careta Careta është gjetur sot në plazhin e vjetër të Vlorës.
Krijesa ishte e ngordhur dhe e moshës rreth 30 vjeçare.
Mendohet se fillimisht ajo mund të ketë disa ditë e ngordhur në det dhe më pas ka dalë në breg.
Vërehet se ky është një fenomen që po shtohet së fundmi.
Dyshohet se breshka mund të ketë ngordhur nga plastika, pasi ajo kryesisht ushqehet me meduza (kandila deti) të cilat ngjasojnë me qese plastike në det, prandaj ka raste kur breshka gëlltit qeset të cilat i ngjasojnë me ushqimin.
Këto dy vitet e fundit shumë breshka kanë dalë të ngordhura në breg te detit, ndaj specialistet po bëjnë një studim të mirëfillte për të gjetur shkaqet.
