Si ti kontrolloni emocionet tuaja në çdo situatë? Ja disa hapa të thjeshtë që duhen ndjekur

Kur mësoni se si të kontrolloni emocionet tuaja, mund të nxirrni mesazhe më pozitive dhe produktive, edhe nga ngjarjet në dukje negative.  Kur vendosni t’i zotëroni emocionet tuaja, është e rëndësishme të kuptoni se ato janë emocionet dhe ato ju përkasin juve. Duke i lënë emocionet tuaja të drejtojnë jetën tuaj – dhe shpesh duke u dhënë atyre kuptim negativ – ne mund të dëmtojmë jetën tonë dhe marrëdhëniet me të tjerët. Kur tërhiqeni dhe reagoni emocionalisht ndaj rrethanave, ju lejoni që bota t’ju kontrollojë në vend që ta kontrolloni juve botën.

Si t’i kontrolloni emocionet tuaja edhe në situatat më të vështira?

Herën tjetër që do të përballeni me një situatë që shkakton emocione të forta, ndaluni dhe mendohuni mirë. Ju mund të zhvilloni një kontroll emocional të mirë duke përdorur një nga taktikat e mëposhtme:

1. Merrni frymë thellë.

Në vend që të reagoni menjëherë – qoftë pozitivisht apo negativisht – jepini vetes një moment për ta përpunuar atë që sapo ka ndodhur.

2. Zbuloni se çfarë po ndjeni.

Është e lehtë dhe e drejtë të thuash: “Po, ndihem i zemëruar, sepse më lënduan”. Por mendohuni më thellë. Jeni të zemëruar sepse keni frikë se ata kanë të drejtë? Jeni të trishtuar? Emocionet janë komplekse dhe shpesh përmbysin njëri-tjetrin.

3. Zëvendësojini mendimet negative me ato pozitive.

Nëse mendja juaj shkon drejt padrejtësive që ju janë bërë, apo tëk diçka e rëndë që ju ka ndodhur, devijojeni veten. Qëndrimi në negativitet vetëm sa do t’ju bëjë më të prirur ndaj tij, ndaj përqendrohuni te emocionet pozitive. Ndryshojini mendimet tuaja dhe në këtë mënyrë do të ndryshoni historinë tuaj.

4. Kanalizojeni energjinë tuaj.

Emocionet njerëzore janë jashtëzakonisht të fuqishme. Largojini energjitë negative duke marrë pjesë në një lloj aktiviteti fizik, duke shkuar për një vrap, ose duke bërë një shëtitje.

5. Eksploroni emocionet tuaja.

Pse po ndiheni në këtë mënyrë? Shkrimi i një ditari, ose biseda me një mik të besuar apo një anëtar të familjes, mund t’ju ndihmojë të kuptoni pse po ndjeni atë që ndjeni realisht. Pasi ta kuptoni një emocion, është shumë më e lehtë ta kontrolloni atë.