Një shqiptar është arrestuar në Britaninë e Madhe, pasi u kap duke ruajtur dhe mirëmbajtur një ‘shtëpi bari’ në zonë e Uelllsit. Shqiptari i identifikuar si Aldjon Musollari akuzohet nga autoritetet britanike për kultivim të lëndëve narkotike, ndërsa punonte në një banesë e shndërruar në një ‘shtëpi bari’, ku u gjetën të kultivuara 120 bimë kanabisi në faza të ndryshme të pjekurisë që kapnin një vlerë prej 100 mijë paund.
Kur Aldjon Musollari u ndalua nga policia ai tha se “Nuk flas anglisht. Shqip. Pa pasaportë. Ilegal në Britani.” Ndërsa para hetuesve, ai tha se kishte ardhur në Britani me kamion 6 javë më parë dhe kishte punuar në ndërtim në Liverpool, ndërsa kishte jetuar edhe në rrugë se nuk po gjente punë, ku i ishin afruar dy burra të cilët e çuan në banesën e barit dhe e mbajtën aty për ruajtjen dhe mirëmbajtjen e saj.
Vetë ‘shtëpia e barit’ ishte e sofistikuar ku muret ishin të veshura me pllaka gipsi dhe të mbuluara me fletë plastike dhe kishte dhjetëra llamba për ngrohje, transformatorë të energjisë elektrike, thasë me plehra dhe një sistem ushqimi dhe ujitjeje. Gjithashtu ishte hapur një vrimë në tavan dhe kishin vendosur një shkallë që lejonte aksesin e lehtë nga dhomat e banimit në katin më sipër në zonën e rritjes së kanabisit kati poshtë./shqiptarja
