LIGJET E BIZNESIT
Eksperti i kriminalistikës Ervin Karamuço ka reaguar lidhur me ngjarjen e rëndë që ndodhi këtë fundjavë në Lushnje, ku 13-vjeçari u var brenda në dhomë, pas një videoje që po realizonte për ta postuar më pas në Tik Tok.
Karamuço ka zbuluar emrin e kësaj loje. Shtetet europiane po reagojnë në masë të madhe për ta ndaluar këtë lojë të rrezikshme, që mori dhe jetën e parë në vendin tonë. Ai iu bën prindërve që të jenë më vigjilentë me fëmijët e tyre.
“Fatkeqësisht ajo vrau sërish në Shqipëri. Loja “Blackout Challenge” në Tik Tok, mori jetën e dytë të një të mituri 13 vjeçar në Lushnjë, ndërsa një 10 vjeçar në Shkodër vdiq vetëm 6 muaj më parë. Loja e mallkuar është ende e panjohur për autoritetet tona.
Ajo po nxit në mënyrë kriminale fëmijët të asfiksohen për zbavitje dhe garë midis tyre. Kjo duhet ndaluar me çdo kusht, siç po bëjnë shumë shtete evropiane.
Apel prindërve të jenë vigjilent…. Apel gazetarëve për sensibilizim publik….”, shkruan Karamuço në postimin e tij në rrjetet sociale.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
I mituri shkruante se “vetmi nuk do të thotë të jesh vetëm, por të kesh një zemër të vetmuar”, “jeta ime është mbushur me errësirë, prandaj unë rri në errësirë”. Ndërkohë në një tjetër video shkruante; “jetë pa lidhje, probleme pa zgjidhje, botë me shumë ngjyra, njerëz me dy fytyra”.
Nisur nga këto shprehje grupi hetimor ka dalë në përfundimin se 13-vjeçari ka kryer një vetëvrasje në kushtet e depresionit. Ndonëse nuk ka një version zyrtar të policisë për ngjarjen, ajo çfarë tregojnë jashtë kamerës shokët e të miturit, mësohet se Arjeti ishte një nxënës shembullor dhe zëvendës senator i klasës, por një përdorues shumë i rregullt i rrjeteve sociale.
