Nxirret i pajetë trupi i biznesmenit Ruzhdi Hoxha, i cili ishte groposur në një greminë në zonën e Qafë-Mollës në Dajt.
Aksioni është zhvilluar nga forcat RENEA, pasi është dashur ndërhyrja e tyre për shkak të terrenit të vështirë.
Kujtojmë se biznesmeni i inerteve në Kamzë është gjetur i vrarë dy javë pasi ishte shpallur i zhdukur nga familjarët e tij.
Viktima ishte qëlluar për vdekje me armë zjarri dhe më pas trupi ishte groposur për të humbur gjurmët.
Për shkak se trupi është gjetur pjesërisht i dekompozuar, mendohet se 43-vjeçari është ekzekutuar që ditën që është rrëmbyer, pra dy javë më parë. Një ditë më parë është gjetur xhupi i tij me njolla gjaku dhe një shenjë plumbi i hedhur mes shkurreve në Qafë Mollë dhe më pas përmes nuhatjes së qenëve të policisë vetëm sot është gjetur edhe trupi i pajetë i mbuluar me zhavorr në Dajt.
