Në samitin kundër ndryshimeve klimaterike që po mbahet në Glasgow të Skocisë, kryeministri Edi Rama takoi aktorin me famë botërore Leonardo Di Caprio.
Ylli i Hollywoodit shfaqet ulur, ndërkohë që kreu i qeverisë shqiptare diçka i thotë me bindje.
“Kur je komshi me Leonardo Di Caprion dhe të lidh mbrojtja e Vjosës”, shkruan kryeministri krahas fotos.
Kjo pamje bën pak habi, duke ditur që artisti i madh ka dalë pro mbrojtjes së lumit Vjosa.
Madje ai ka këmbëngulur që ajo të shpallet Park Kombëtar dhe aty të mos ndërtohen hidrocentrale, të cilat nuk mund të bëhen pa firmën e Ramës.
Siç shihet, Rama i ka shkuar në tavolinë aktorit, dhe ka përfituar nga rasti edhe për të shkrepur një foto me të.
