Po transportonte dr ogë, ish-efektivi i RENEA-s shpallet i pafajshëm

Efektivi i RENEA-s Xhulio Liçi është shpallur i pafajshëm pak muaj pasi u arrestua për transport të lëndëve narkotike në Tiranë. Mediat mësojnë se Liçi është liruar nga akuza për prodhim dhe shitje të lëndëve narkotike.

Operacioni për arrestimin e Liçit bashkë me dy persona të tjerë Ded Nimanin dhe Luan Gaçin u finalizua në muajin maj të këtij viti pasi në automjet u gjetën 1 kg kokainë. Gjykata vendosi dënimin me 4 vite e 8 muaj burg ndaj Ded Nimanit, si pasojë e dënimit të shkurtuar.

Para hetuesve por edhe gjatë një ballafaqimi të bërë me Gaçin dhe Liçin, Nimani ka pohuar se asnjëri prej tyre nuk kishte dijeni për lëndën narkotike por çdo gjë ishte organizuar prej tij.

Ndodhur në këto kushte, prokuroria e gjendur edhe përballë mungesës së provave ka liruar nga akuzat efektivin e RENEA-s dhe Luan Gaçin. Ky i fundit është akuzuar për veprë penale të fshehjes së të ardhurave pasi është konstatuar se punonte taksi pa licencë dhe nuk lëshonte kupon tatimor.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern