“PD ka vetëm një detyrë” Kuvendi i 18 dhjetorit, Basha takim me krerët e degëve

Në kohën që nuk kanë mbetur dhe shumë ditë nga Kuvendi Kombëtar i 18 dhjetorit, kryetari i Partisë Demokratike Lulzim Basha zhvilloi sot një takim me kryetarët e 71 degëve.

Gjatë fjalës së tij, lideri i opozitës theksoi se detyra kryesore është që partia të dalë e bashkuar nga ky kuvend.

Basha  theksoi se qëllimi është vazhdimi i betejës kundër kryeministrit Edi Rama.

“Rama është kundërshtari ynë i përbashkët, pavarësisht çfarë mendojmë në këtë situatë që po kalojmë. Beteja me njeri-tjetrin nuk na çon askund. I shërben vetëm Ramës dhe patericave të tij, që po bëjnë gjithçka që beteja mes nesh të çoj në një ndarje të partisë. Ju jeni dëshmitarë të kësaj “- tha Basha.