‘Open Ballkan’ me 3 vende, Rama: Të gjithë do të vijnë këtu, s’kanë ku shkojnë

Kryeministri Edi Rama tha se dorëheqja e Zoran Zaev, nuk do të ndikojë në nismën e Ballkanit të Hapur.

Rama tha në Report Tv se në fund të gjithë vendet do i bashkohen nismës.

Edi Rama: Prezenca e kryeministrit malazez në darkën me Vuçiç? Jam i bindur që të gjithë do të vijnë këtu se nuk kanë ku shkojnë. Në sensin e prijes drejt të ardhmes. Nuk është projekt që lindi hajde se po bëjmë diçka për t’i gjetur vetes punë. Është projekt që lidhet me të ardhmen e këtij rajoni. Mosdakordësia ime më e madhe me presidentin serb është ajo për Kosovën, por besoj se në paqe zgjidhen me dialog.

Ka ndryshuar qëndrimi i Vuçiç për Kosovën?

Edi Rama: Nuk bëj komente të tilla se janë spekulative. Është në interesin e kombit shqiptar që t’i hyjnë kësaj rruge me vullnetin për t’ja dalë dhe për të marrë atë që i takon.

SHBA mbështet Open Ballkan por kërkon 6 shtete, ç’domethenë kjo? Pse nuk i bashkohen vendet e tjera, cili ështe meraku i tyre?

Edi Rama: Nuk dua të flas për të tjerët. Të mos i bashkohesh kësaj nisme është gjykim sovran dhe legjtim, por në këndvështrimin tim është i gabuar.