“Nuk kam më respekt për të” Artisti i njohur zemërohet me Ardit Gjebrenë: Do mbroj të drejtën time deri në fund

Këngëtari i njohur Mentor Haziri ka vijuar me akuzat ndaj Festivalit të RTSH, ku ia skualifikuan këngën që në fillim.

I ftuar në programin “Ditë e Re”, artisti thotë se nuk ka më respekt për Ardit Gjebrean, i cili ishte njëri prej pjesëtarëve të komisionit të Festivalit, ku kënga e Hazirit u skualifikua.

Mentor Haziri: Ata janë totalisht të korruptuar. Më ka ardhur shumë keq, sepse për Arditin kam pasur shumë respekt në të kaluarën. Nuk  është që kam me respekt për Arditin, për  shkak se mënyra se si jam eliminuar, pa hyrë në garë fare më ka bërë të mendoj ndryshe. Nuk kam më respekt për deri sa kënga ime nuk është pranuar dhe ai është në krye të atij komisioni.

Haziri thotë se si rasti i tij ka shumë artistë që përballen me padrejtësi në Shqipëri, e për këtë arsye ai thotë se do vazhdojë të mbrojë të drejtën e tij deri në fund, pasi sipas Mentorit, kënga është eliminuar me të padrejtë nga edicioni i 60-të i festivalit të këngës.

Këngëtari tregon se pas deklaratave që ka bërë në rrjetet sociale, i kanë ardhur shumë mesazhe nga artistë, që i thonë se kanë kaluar eksperienca të njëjta me Mentorin.

Mentor Haziri: Ata janë komision i turpit, pikë. Ka qenë totalisht e qëllimshme. Do mbroj të drejtën time deri në fund. Do protestoj.  Nuk e keni  idenë sa kompozitorë dhe këngëtarë më kanë shkruar “ti je zëri im” sepse në Shqipëri ka shumë padrejtësi.  Ata nuk duan këngëtarë, që këndojnë mirë.

Një ndër arsyet që shumë artistë nuk marrin pjesë në këto festivale, janë këto dallavere që bëhen.  Unë jam i urtë, por unë e kërkoj të drejtën time deri në fund.