Rasti i një incesti vjen së fundmi nga Durrësi.
Bëhet fjalë për një 17-vjeçare e cila ka krijuar një lidhje dashurie me djalin e hallës.
Madje ajo ka deklaruar në polici se ka kryer marrëdhënie seksuale me dëshirë me të.
Adoleshentja ishte deklaruar e zhdukur prej një muaji nga familja dhe u zbulua se ajo kishte shkuar të bashkëjetonte me kushëririn.
Policia arrestoi shtetasin me inicialet SH. F., pasi ishte shpërndarës narkotikesh, ndërsa në shtëpinë e tij u gjet edhe kushërira.
Leonidha Musaj, gazetar i “Abc News” ishte sot në një lidhje të drejtpërdrejtë me emisionin “Shqipëria Live”, ku u shpreh se ishte hera e parë që vajza largohej nga shtëpia.
“Ata kanë pasur marrëdhënie edhe më përpara se ajo të largohej nga shtëpia. Familjarët nuk e kanë ditur. Pasi vajza u zhduk ata bënë denoncim pasi ishte hera e parë që ajo largohej nga shtëpia.
Ishte operativi i plazhit që zbuloi se ku ndodhej çifti, pasi kishin shpërndarë foton e vajzës. Këtë vajzë e kishin parë në një nga lokalet aty në zonën e plazhit, pranë shtëpisë. Edhe djali ishte larguar nga shtëpia, policia tha se ai akuzohej për trafikim të lëndëve narkotike”, tha gazetari.
I pyetur se çfarë raporti kanë pasur dy familjet, Musaj shtoi: “Familjarët kanë pasur një marrëdhënie normale dhe nuk kanë pasur probleme”.
Gazetari shtoi më pas se vajza nuk shkonte në shkollë, e kishte lënë.
“Ka vetëm arsimin 9-vjeçar. Familjarët e vajzës nuk janë në gjendje të mirë ekonomike, nëna punon dhe babai jo. Ndërsa për familjarët e djalit nuk kam ndonjë informacion. Ata kanë kryer marrëdhënie seksuale mes tyre, e ka deklaruar vetë vajza. Ajo ka thënë se nuk jep llogari për trupin e saj”, tha më pas Musaj.
Ky i fundit shtoi se që të dy kanë qenë konsumator të lëndëve narkotike. “Vajza bënte këtë jetë edhe para se të largohej nga shtëpia”, tha ai, duke cituar familjarët që kanë deklaruar kështu në polici.
