“Nuk do shkojë më polici në mal” Rama zbulon planin: Droni inteligjent kap trafikantët

Në fjalën e tij përpara Policisë së Shtetit kur prezantoi projektbuxhetin e vitit 2022, kryeministri Edi Rama u shpreh se sateliti do të lançohet në hapësirë jo vetëm do të mund të identifikojë ndërtimet pa leje apo dhe dëmtimet e shtretërve të lumenjve, por dhe të parcelave me kanabis.

Sipas kreut të qeverisë, në këtë mënyrë një polic nuk ka pse të shkojë përditë në majë të malit për të kontrolluar nëse aty janë mbjellë lëndë narkotike.

“Satelitët do ta bëjnë të pamundur jo kultivimin e parcelave të tëra, por kultivimin përtej 70 cm që sateliti nuk sheh më në mënyrë të detajuar. Çdo ditë policia në kohë reale do të shohë çfarë ndodh në të gjithë territorin e Shqipërisë dhe nuk do të jetë e akuzuar pa lidhje kur zbulohet një parcel në majë mali, se nuk ka sesi një polic të shkojë çdo ditë në majë mali se janë maja të tëra malesh. Kjo merr fund. Dhe për mbrojtjen e shtretërve të lumejve. Këto janë komponentë të zotëruar plotësisht përmes një inspektori të vetëm që është një sy në orbitë”, deklaroi Rama.