“A më dëgjon?” E përditshmja “The Independent” në Britaninë e Madhe ka vënë alarmin duke paralajmëruar qytetarët që të mbyllin telefonin në rast se persona të panjohur i bëjnë këtë pyetje.
Sipas saj, bëhet fjalë për një mashtrim me qëllim që të lidhen kontrata blerjesh me anë të telefonit.
Ndësa mjaft qytetarë në SHBA ka rënë pjesë e kësaj skeme, ka shumë rrezik që ajo të përhapet edhe në Europë.
‘The Independent’ shkruan se për të paralajmëruar njerëzit nga ky rrezik është angazhuar policia si dhe kompanitë celulare.
Sipas gazetës britanike, persona ende të paidentifikuar kontaktojmë njerëz të ndryshëm dhe prezantohen kompaninë për të cilën punojnë si dhe veten e më pas pyesin:
“A më dëgjoni”?.
Nëse ju do përgjigjeni me “po” kjo përgjigje do të modifikohet sikur keni rënë dakord për të bërë një blerje të madhe.
Në këtë mënyrë, personi që merr telefonatën mashtrohet për të firmosur një kontratë verbale.
Kjo po shfrytëzohet nga mashtruesit që kanë arritur të fusin në grackën e tyre shumë amerikanë, kryesisht në Florida, Pensilvani e Virginia.
Ekspertët besojnë se ky mashtrim ka rrezik të përhapet edhe në Europë.
