LIGJET E BIZNESIT
Prej gati dy javësh biznesmeni Rruzhdi Hoxha, baba i dy fëmijëve, rezulton i zhdukur.
Denoncimi është bërë nga i vëllai në komisariatin nr.5 në Tiranë.
Hoxha, i cili ka një biznes që merret me inerte në dalje të Kamzës, është larguar nga banesa në datë 20.10.2021, rreth orës 23:00 dhe që nga ajo ditë nuk pasur komunikim me asnjë nga familjarët e tij.
Mësohet se pas denoncimit, policia ka shoqëruar mikun e tij, i cili ka pasur dhe takimin e fundit me 43-vjeçarin. Ky i fundit është ndaluar dhe po mbahet në paraburgim pasi ka hesape me drejtësisë italiane. Miku u tij është personi i dyshuar për ngjarjen, por nuk ka ende një urdhër ndalim për të.
Mësohet se Hoxha doli nga banesa për të bërë një xhiro me makinë mirëpo nuk u kthye më në banesë. Hera e fundit që Ruxhdi Hoxha është fikuar nga kamerat e sigurisë është në autostradën Tiranë-Durrës kur ka qenë duke pirë kafe, me dy persona të tjerë.
Polica ka kontaktuar familjarët e të zhdukurit, ku bëhet e ditur se ky i fundit për 7 ditë e ka mbajtur telefonin të fikur. Pas shtatë ditësh telefoni i 43-vjeçarit rezulton aktiv por Hoxha nuk iu përgjigjet thirrjeve. Në mënyrë jozyrtare burime bëjnë me dije se biznesi i tij i inerteve ishte në prang falimenti dhe Hoxha ishte zhytur në borxhe, për shkak të krizës financiare.
Grupi hetimor ka mundur të gjejë një telefon të braktisur, pranë shkollës së Bashkuar në Tiranë.
