LIGJET E BIZNESIT
Historia më tronditëse e fundjavës që lamë pas ishte dhuna që Rajmond Kunora shkaktoi ndaj vajzës së tij 6-vjeçare L.K në zonën e Kamzës.
Babai 27-vjeçar ka dhunuar vajzën e tij fizikisht duke e çuar në gjendje të rëndë. Ish-bashkëshortja e Rajmondit me iniciale M.V ka dërguar vajzën me urgjencë në spital.
Dhuna e Rajmondit ndaj të bijës ka qenë kafshërore. Ai i ka shkaktuar dëmtim të organeve të brendshme duke shkaktuar hemorragji. Rajmondi ka marrë partneren e tij duke i thënë se vajza është e helmuar. Kjo e fundit e ka çuar me urgjence në spital pa kuptuar fillimisht se çfarë ka ndodhur.
Nëna e 6-vjeçares ka dhënë intervistë për emisionin “Shqipëria Live”, ku ka hedhur poshtë lajmet se ai ka abuzuar seksualisht me të bijën. Ajo shton se gjendja e vajzës është shumë e rëndë.
“Nuk dihet si ka shkuar operacioni, ka ende frikë për jetën e saj. Jemi ndjerë keq nga fjalët se janë të pavërteta. E ka torturuar, por për atë pjesë do ua lëmë ekspertëve. Pa dalë ekspertiza nuk duhet të flitet për atë pjesë, për abuzimin.
Kam qenë në punë, më kanë marrë në telefon e më kanë thënë se fëmija është sëmurë. Më thanë se është helmuar, në gradë të fundit. E dërgova në Kamëz e pastaj te pediatria te Nënë Tereza, ku i bënë të gjitha analizat.
Dyshonin për gjakderdhje në trup. Pas 6 vitesh ishte i dhunshëm. Pas ribashkimit nuk më ka dhënë asnjë lloj shenje se do dhunonte fëmijën. Më ka thënë vetëm se e kam kafshuar. Kur pashë të nxira në brez poshtë.
Unë nuk e kam denoncuar dhe nuk kam kërkuar lirimin e tij, e kanë bërë ata te pediatria. E kam takuar bashkëshortin dhe më thënë se e kam rrahur me fishën e karikusit, asgjë më shumë. Kur i thashë si e çove në këtë gjendje, nuk më tha gjë.
Mjeku, policia e kushdo që ka nxjerrë lajme se kam abuzuar me fëmijën, do japë llogari para ligjit.
Kishim 6 vite të ndarë dhe 1 muaj e gjysmë jemi ribashkuar. Vajzën e kishte kërcënuar se nëse i tregon mamit do të rrah më keq”, tregon nëna e 6-vjeçares.
Vajza është vetëm 6-vjeç, ndërsa raportohet se babi i saj 27-vjeçari R.K. i cili është arrestuar, e ka dhunuar duke e rrahur me thupër si dhe e ka kafshuar në zona të ndryshme të trupit.
Vajza merrte të ëmën në telefon duke i kërkuar që të mos e lërë vetëm me të atin nga frika e dhunës. Nga ana e saj edhe nëna e vajzës ka pranuar se ishte në dijeni të dhunës që i ati ushtronte ndaj saj. Ajo ka thënë se 27-vjeçari e ka goditur me thupër dhe e ka kafshuar por sipas saj mendonte se kafshimin e bënte ngaqë e kishte marrë malli. Prokuroria ka kërkuar ekspertim psikik dhe analizat e drogës ndaj dy prindërve.
Ndërkohë edhe në shkollë e mitura ka shfaqur shqetësime deri në të vjella ndërsa pasi është paraqitur në spital ka rrëfyer dhe tmerrin e përjetuar.
