Aktori i njohur Igli Zarka, i cili ka qenë pjesë e “Big Brother Vip”, ishte sot i ftuar në “Big Brother Fan Club”.
Kujtojmë se eksperienca e tij në shtëpinë më të famshme në Shqipëri ishte shumë e shkurtër, pasi ai u detyrua të largohej për shkak të problemeve shëndetësore.
Zarka ka deklaruar se i duhej kohë që të përshtatej në shtëpi dhe se prania e tij ishte një lloj testi që ai i kishte bërë vetes.
“Unë i kisha të qarta arsyet pse hyra në shtëpi. Nga këndështrimi im ishte kurioziteti. Doja ata njihja atë shtëpi. Doja të testoja vetën time në atë shtëpi”, është shprehur Igli.
Më tej ai ka treguar se kishte frikë që të njihte njerëzit brenda në shtëpi në prani të kamerave, sepse kamera i transformon njerëzit.
“Më frikësoi diçka. Doja të njohja njerëzit por jo në praninë e kamerave, sepse kamera e modifikon njeriun”, ka vijuar Igli.
