Kuvendi Kombëtar me 2 data/ A mund të gjendet një kompromis? Basha jep mesazhin e qartë

I pyetur nëse kishte ndonjë mundësi për gjetjen e një rruge kompromisi për moszhvillimin e dy Kuvendeve Kombëtare, kryetari i Partisë Demokratike Lulzim Basha tha se ka vetëm një Kuvend, që do të mbahet më datë 18 dhjetor.

“Ne nuk e dimë dhe nuk do e marrim vesh se çfarë ka kasaforta. Por ne dimë që Suel Çela, Aqif Rakipi apo Tom Doshi, njerëz të inkriminuar, janë angazhuar me foltoret. Kjo është një arsye më shumë se 18 dhjetori që ti japë një përgjigje çdo tentative për të përçarë demokratët”, u përgjigj Basha.