Pas incidenti që i ndodhi mbrëmjen e së martës, ku humbi ndjenjat gjatë puntatës së spektaklit “Big Brother VIP”, këngëtarja e njohur Fifi ka marrë vendimin për tu larguar nga shtëpia më e famshme në Shqipëri.
Ajo deklaroi se ka nevojë tashmë të merret me veten dhe kjo eksperiencë nuk po i bënte mirë.
“Banorë unë kam vendosur të largohem nga shtëpia e Big Brother sot, kam nevojë të merrem me veten time. Kjo eksperiencë nuk po më bën mirë, s’kam mundësinë të flas atë që mendoj tani. Kam nevojë të dal jashtë, të merrem me veten (qan)”, tha ajo teksa i komunikoi vendimin e marrë banorëve, me të cilët ndante shtëpinë.
Gjatë emisionit të martën në mbrëmje ku ndodhi dhe incidenti, moderatorja Arbana Osmani njoftoi se këngëtarja do I nënshtrohej kontrolleve shëndetësore dhe ekzaminimeve me mjekë dhe ekspertë për të vlerësuar kështu nëse gjendja e saj shëndetësore do e lejonte apo jo vazhdimin brenda “Big Brother VIP”.
