Këto janë disa nga perimet më të shëndetshme që duhet të hani

Perimet janë një ndër ushqimet më të shëndetshme që mund të konsumojmë gjatë gjithë jetës. Por, si me çdo ushqim tjetër, edhe perimet janë në konkurencë me njëra tjetrën.

DIsa prej tyre janë shumë të shijshme dhe të mira, e të tjera mjaftueshëm të mira për shëndetin.

Nëse i keni vënë synim vetes që të ushqeheni sa më shëndetshëm atëherë do të zbuloni se lista e pesë perimeve më të shëndetshme është shumë e vyer për ju.

Një nga përfitimet kryesore që merrni duke ngrënë perime është se qëndroni të ngopur për shumë kohë.

Në qoftë se hani perimet e mëposhtme, jo vetëm që do të ndiheni të ngopur, por edhe nuk do të keni fryrje.

Kungujt
Nëse jeni në kërkim për një dozë të mirë ushqyesish atëherë zgjidhni sa më shumë kunguj të vegjël.

Ato përmbajnë pak kalori dhe ju ngopin. Përveç përdorimit në gatim, mund ti zieni dhe pijeni ujin në mëngjes.

Lëngu pastron trupin dhe ju mban të hidratuar.

Kastraveci
Kastraveci është një perime e pasur me ushqyes dhe ndihmon për fryrjen dhe akumulimin e lëngjeve. Përpos kësaj, do të ndiheni të ngopur.  Mund ta hidhni atë në lëngje të ndryshme me mollë, mente për të marrë sa më shumë vitamina dhe freski.

Brokoli
Brokoli dhe perimet e të njëjtës familje si lulelakra apo edhe lakrat e brukselit, luftojnë inflamacionin dhe balancojnë sheqerin në gjak.

Brokoli është një burim i shkëlqyer fibre dhe kalciumi.

Lulelakra përmban shumë vitaminë C ndërsa lakrat e vogla janë një burim i shkëlqyer folate dhe vitaminash A dhe C. Të gjitha bashkë e ndihmojnë metabolizmin të bëjë një punë të shkëlqyer.

Preshi
Preshi përmban shumë fibër dhe ul kolesterolin. Ai është i pasur në kalium dhe vitaminë C.

Në këtë mënyrë, preshi mbështet sistemin kardiovaskular duke mbrojtur kështu shtresat e brendshme të enëve të gjakut nëpërmjet antioksidantit të quajtur kamferol.