Një ngjarje e trishtë ka ndodhur në Kavajë.
Burrë e grua kanë humbur jetën pasi janë asfiksuar nga bombola e gazit.
Mësohet se çifti kanë qenë duke fjetur në banesën e tyre në momentin që janë asfiksuar nga gazi. Ata janë gjetur të pajetë nga familjarët e tyre.
Njoftimi
Më datë 27.11.2021, rreth orës 17:45, në Golem, në katin e dytë të një pallati, janë gjetur në banesën e shtetasit M.J, pa shenja jete dhe pa shenja dhune, shtetasi M. J., 60 vjeç banues në Golem dhe shtetasja A. Ll., 50 vjeçe, banuese në Tiranë.
Nga hetimet paraprake dyshohet se kanë humbur jetën një ditë më parë si pasojë e asfiksisë nga gazi.
Grupi hetimor nën drejtimin e Prokurorisë vijon punën për sqarimin e plotë të ngjarjes.
