LIGJET E BIZNESIT
Sot ish-kryeministri Sali Berisha e ka zhvilluar takimin e rradhës për lëvizjen “Foltorja” në Lushnje.
Gjatë fjalës së tij ai komentoi arrestimin e ish-kryebashkiakut të këtij qyteti, Fatos Tushe.
Kujtojmë se ky i fundit ra në pranga me urdhër të SPAK dhe akuzohet për korrupsion.
Berisha e përshëndeti arrestimin e ish-kryetarit, por ai shtoi se vjedhja e tenderit 200 mijë euro për të cilën u arrestua Tushe nuk është asgjë krahasuar me vjedhjet që bëjnë ministrat.
“Ju sjell ju përshëndetjet më të përzemërta dhe shpreh nderimin më të madh, perulem para jush me respektin më të thellë për këtë mbështetje të jashtëzakonshme që ju i keni bërë dhe i bëni Foltores, si uragan i shpresës së mbarë shqiptarëve. Foltores si nismëtare e madhe e vullnetit tuaj, për të rivendosur në Shqipëri pluralizmin politik të rrënuar nga klika në pushtet, për të rikthyer PD-në në një forcë vigane të lirisë, demokracisë dhe fitores.
Kohërat janë kritike, por secili prej jush në këtë sallë dhe ata qindra mijëra të tjerë që na mbështesin , po shkruajnë me duart e tyre një kapitull të ri, po hapin një faqe të re në historinë e demokracisë. Në Shqipëri u krijua një diktature e bazuar në krimin, drogën , korrupsionin. Diktaturë që bazohet në vjedhjen e votës, varfërimin e qytetarëve. Ky narkoshtet jo vetëm ka shkelmuar votën tuaj por ia doli në këto 8 vite të rrëmbejë të gjitha pushtetet, dhe së fundmi të shndërrojë partinë e martive të lirisë, partinë që përmbysi diktaturën komuniste, ta shndërrojë sic më tha dje një zonjë e nderuar, në një ministri të narkoqeverisë së Edi Ramës, ne jemi këtu për tu zotue që këtë nuk e pranojmë kurrë dhe së bashu me këtë ne do përmbysim Edi Ramën.
Të gjitha këto miqtë e mi, jo se ky vend është i varfër, dhe se shqiptarët janë dembela siç thotë Edi rama, problemi është se djersa dhe mundi juaj, vidhet, vidhet dhe vetëm vidhet nga narkoqeveritarët. Këtu e dënuan dhe mirë ia bënë kryebashkiakut për një tender 200 mijë euro. Por me atë që vjedhim ministrat ju jap fjalën e nderit se nuk janë asgje se vetëm kafe e mëngjesit. Unë nuk dua ti dal zot atij por vjedhjet e tyre nuk kanë fund. Tani na del muzeu sekret i ndrikull piramidës. Na qenka në Bërzhitë një muze 6 milionë euro për ushtrinë. Pra një garë e çmendur sesi të vjedhim.
