LIGJET E BIZNESIT
Pas rastit të 13-vjeçarit nga Lushnja, i cili humbi jetën duke u vetëvarur aksidentalisht për të bërë video në rrjetet sociale, ka reaguar ministrja e Arsimit Evis Kushi.
Kjo e fundit bëri thirrje që prindërit dhe shkollat të ngrenë alarmin dhe të kontrollojnë qendrimin në internet të fëmijëve të tyre.
“URGJENTE!
Jam shumë e tronditur nga ngjarja e fundit e 13 vjeçarit në Lushnje!
Aksesi i fëmijëve në internet për një kohë të gjatë dhe në burime apo informacione të pakontrolluara dhe të parekomandueshme për moshën e tyre është një nga çeshtjet që unë kam ngritur vazhdimisht në takime të ndryshme. Edhe para pak ditësh e ngrita si alarm në takimin e zhvilluar në kuadër të projektit “Shkolla për Shëndetin” ku theksova nevojën e një debati të gjerë publik për këtë emergjencë shoqërore.
Jo vetëm shkollat dhe institucionet, por edhe familjet dhe çdo individ duhet të marrë sot përgjegjësinë për këto raste fatale!”, shkruan Kushi ndër të tjera.
