Ishte shpallur në kërkim/ I dënuar me 10 vite burg, arrestohet 33-vjeçari në Tiranë

Policia e Tiranës ka vënë në pranga një të ri të shpallur në kërkim.

Ai është identifikuar si Preng Gjoni, 33-vjeç.

I arrestuari është  dënuar nga Gjykata e Sarandës me 10 vite burg, pasi akuzohet për veprën penale “Vjedhje me dhunë”.

Uniformat blu e kanë ndaluar të riun e shpallur në kërkim teksa ndodhej në një palestër në rrugën “Jordan Misja” në kryeqytet.

Shtetasi Preng Gjoni, do ti dorëzohet Komisariatit të Policisë Sarandë, për veprime të metejshme.

NJOFTIMI ZYRTAR I POLICISE:

Tiranë

Finalizohet nga Komisariati i Policisë Nr.2, operacioni policor i koduar “Palestra”

Kapet dhe ndalohet 33-vjeçari i dënuar me 10 vite burgim për veprën penale “Vjedhje me dhunë”.

Specialistët për Hetimin e Krimeve në Komisariatin e Policisë Nr.2, në vijim të punës për kapjen e personave në kërkim dhe vënien e tyre para përgjegjësisë penale, bazuar dhe në informacionet e marra në rruge operative se në një palestër në rrugën “Jordan Misja” ndodhej një person në kërkim, organizuan dhe finalizuan operacioni policor “Palestra” në kuadër të cilit ndaluan shtetasin:

Preng Gjoni, 33 vjeç, banues në Tiranë.

Ky shtetas ishte shpallur në kërkim nga Komisariati i Policisë Sarandë, pasi Gjykata e Rrethit Gjyqësor Sarandë në vitin 2016, e ka dënuar me 10 vite burgim për veprën penale “Vjedhje me dhunë”.

Shtetasi Preng Gjoni, do ti dorëzohet Komisariatit të Policisë Sarandë, për veprime të metejshme.